Archwilio Allforion Technoleg Feddygol i Gyngor Cydweithredol y Gwlff, yr Unol Daleithiau a'r Dwyrain Canol

Cost: Am ddim

Yn barod i ddatblygu eich busnes Technoleg Iechyd yn Rhyngwladol? Dewch i wrando ar yr hyn y gall Cymdeithas Diwydiannau Gofal Iechyd Prydain (ABHI) a Llywodraeth Cymru ei wneud i gefnogi eich twf yng Nghyngor Cydweithredol y Gwlff, yr Unol Daleithiau a'r Dwyrain Canol, gan gynnwys Rhaglenni Cyflymu 2027 ABHI ar gyfer Expo Iechyd y Byd Dubai 2027.

Expo Iechyd y Byd (WHX) Dubai yw digwyddiad gofal iechyd mwyaf y byd. Darganfyddwch fwy am y gefnogaeth y gall Llywodraeth Cymru ac ABHI ei darparu i'ch helpu i fod yn bresennol yn y digwyddiad ac arddangos yno.

Mae Rhaglenni Cyflymu ABHI yn cefnogi cwmnïau Technoleg Iechyd uchelgeisiol y DU sy'n awyddus i ehangu'n rhyngwladol, drwy gynnig arweiniad arbenigol, cyflwyniadau strategol, a mynediad uniongyrchol at y rhai sy'n gwneud penderfyniadau ym maes gofal iechyd drwy deithiau masnach yn y farchnad. Hyd yma, mae'r rhaglenni wedi cefnogi dros 150 o gwmnïau, wedi cynhyrchu mwy na $150 miliwn o fusnes newydd, ac wedi helpu i sicrhau dros 80 o dreialon clinigol a chynlluniau peilot.

Mae'r cyfnod ymgeisio bellach yn agored ar gyfer rhaglenni cyflymu 2027 ABHI mewn perthynas â Rhaglenni Cyflymu yr Unol Daleithiau a'r Dwyrain Canol, a fydd yn cefnogi cwmnïau Technoleg Iechyd uchelgeisiol y DU i gyflymu eu twf rhyngwladol. Dros 12 mis, bydd y rhai sy'n cymryd rhan yn cael arweiniad arbenigol, cyflwyniadau strategol a thair taith fasnach yn y farchnad. Bydd rhaglen yr Unol Daleithiau yn ymweld â Florida, Arizona, California ac arfordir dwyreiniol yr UD, a bydd rhaglen y Dwyrain Canol yn mynd â chwmnïau i'r Emiradau Arabaidd Unedig a Saudi Arabia.

Gyda'i gilydd, mae Rhaglenni Cyflymu ABHI wedi cefnogi dros 150 o gwmnïau, wedi cynhyrchu mwy na $150 miliwn o fusnes newydd ac wedi sicrhau dros 80 o dreialon clinigol a chynlluniau peilot. Y dyddiad cau ar gyfer gwneud ceisiadau yw 29 Hydref 2026.

Mae'r rhaglen yn agored i gwmnïau dyfeisiau meddygol, diagnostig ac iechyd digidol yn y DU sydd:

• Yn cynhyrchu refeniw neu sydd wedi sicrhau buddsoddiad/cyllid
• Wrthi'n chwilio am gyfleoedd yn yr Unol Daleithiau a/neu'r Dwyrain Canol
• Eisiau cysylltu â darparwyr, talwyr, partneriaid, a'r rhai sy'n gwneud penderfyniadau ym maes gofal iechyd
• Wedi ymrwymo i gyflymu eu twf rhyngwladol yn 2027

Gallwch gael rhagor o wybodaeth a gwneud cais i fod yn rhan o'r rhaglen drwy glicio ar y ddolen hon: Cymorth Technoleg Iechyd Byd-eang ABHI

Cofrestrwch ar gyfer y weminar i ddysgu mwy am y cyfleoedd sydd ar gael gan arbenigwr yn y diwydiant.

Yn agored i bob busnes yng Nghymru sydd ag uchelgais i ddatblygu’n rhyngwladol. Nid yw’n berthnasol i gyfryngwyr na chyflenwyr gwasanaethau masnach ryngwladol

Gweler yma i weld sut mae Llywodraeth Cymru yn trin eich gwybodaeth . Os ydych yn archebu lle ar ddigwyddiad Busnes Cymru neu Lywodraeth Cymru , mae'n bosibl y byddwn yn defnyddio'r wybodaeth a rowch i gynnig gwasanaethau personol neu leol chi , i roi gwybod i chi am newidiadau i'n gwasanaeth , i ofyn eich barn ac i helpu ni i wella ein gwasanaethau .

Mae wefannau y byddwn yn cysylltu â nhw yn debygol o fod gyda Thelerau ac Amodau sy'n wahanol i'n rhai ni . Peidiwch â chymryd yn ganiataol bod ein Telerau ac Amodau yn berthnasol i wefannau eraill.

Bydd y wybodaeth a ddarparwch fel rhan o'r archeb yn cael ei chadw am hyd at 7 diwrnod ar ôl i'r digwyddiad ddod i ben.