Caffael yn y Sector Gyhoeddus: Paratoi i Dendro o dan Ddeddfwriaeth Newydd

Crynodeb

Caiff y digwyddiad hwn ei ddarparu mewn cydweithrediad â Chyngor Sir Powys. Gwahoddir busnesau i fynychu digwyddiad ar-lein, wedi’i ariannu’n llawn, sydd wedi’i gynllunio i gefnogi cyflenwyr presennol a darpar gyflenwyr i ddod o hyd i, bidio am ac ennill contractau sector cyhoeddus, gan ennill dealltwriaeth glir o’r newidiadau diweddar i ddeddfwriaeth caffael. Bydd y sesiynau’n cynnwys arweiniad ar gofrestru ar y Llwyfan Digidol Canolog (CDP), y bydd angen i gyflenwyr ei ddefnyddio wrth bidio am neu ddyfynnu ar gyfleoedd sector cyhoeddus, ynghyd ag awgrymiadau ymarferol i helpu i gryfhau bidiau a thendrau.

Yn dilyn cyflwyno Deddf Caffael 2023 a Deddf Partneriaeth Gymdeithasol a Chaffael Cyhoeddus (Cymru) 2023, gall busnesau ddisgwyl proses gaffael sy’n symlach, yn fwy hyblyg ac yn fwy tryloyw wrth gystadlu am waith sector cyhoeddus.

Beth fydd cynnwys y cwrs?

•    Cyflwyniad i Ddeddf Caffael 2023, gan gynnwys beth mae’r newidiadau’n ei olygu i gyflenwyr a sut i gydymffurfio â’r ddeddfwriaeth newydd. Bydd hyn yn ymdrin â chofrestru ar y Llwyfan Digidol Canolog (CDP), sut i ddod o hyd i’ch dynodwr cyflenwr unigryw (PPON), a pham mae hwn bellach yn ofyniad gorfodol wrth dendro neu ddarparu dyfynbrisiau i’r sector cyhoeddus.

•             Paratoi i dendro, gyda chyngor ymarferol ar wella eich proffil Sell2Wales, defnyddio llwyfannau e-gaffael fel eTenderWales, a bodloni gofynion o ran rheoli amgylcheddol a chydraddoldeb ac amrywiaeth. Bydd y sesiwn hefyd yn rhannu awgrymiadau defnyddiol ar weithredu polisïau, gweithdrefnau a safonau clir, er mwyn helpu i wneud bidiau a thendrau yn y dyfodol yn fwy cadarn.

•             Gwerth ychwanegol a gwerth cymdeithasol, gan gynnwys Buddion Cymunedol, sut i ddangos gwerth cymdeithasol yn effeithiol, ac ystyriaethau megis y Cynllun Disability Confident.

Ar gyfer pwy mae'r digwyddiad?

Mae’r digwyddiad hwn ar gyfer cyflenwyr sy’n gweithio gyda Chyngor Sir Powys ar hyn o bryd, neu sy’n awyddus i weithio gyda nhw. P’un a ydych yn newydd i gaffael y sector cyhoeddus neu’n gyflenwr profiadol, bydd yn eich helpu i ddeall y newidiadau diweddar a gosod eich busnes mewn sefyllfa i lwyddo.

Archebwch eich lle heddiw.

Caiff y digwyddiad hwn ei gyflwyno gan Busnes Cymru ar ran Llywodraeth Cymru.