Clwb 5-9 Busnes Cymru

Cost: Am ddim

Dechreuwch eich siwrne fusnes gyda’r 5-9 CLUB!

Bydd y cwrs wyth wythnos hwn, sydd wedi’i ariannu’n llawn, yn rhoi’r cymorth, arweiniad a’r offer sydd eu hangen arnoch chi i gymryd y camau nesaf a dechrau ar eich busnes.

P’un a oes gennych chi syniad ac rydych yn barod i symud i’r cam nesaf, neu os nad ydych yn siŵr beth rydych chi eisiau ei wneud, byddwn yn eich tywys drwy bopeth, o gynhyrchu syniadau i farchnata ac adeiladu gwefan.

 

Wythnos 1  • Cynhyrchu Syniad

Wythnos 2  • Dylunio Brand a Datblygu Strategaeth Farchnata

Wythnos 3  • Cyfryngau Cymdeithasol ar gyfer Busnesau Bach • Adeiladu Gwefan (yn fforddiadwy)

Wythnos 4  • Sylfeini Gwerthu a Rheoli eich Arian

Wythnos 5  • Ariannu busnes newydd a’r Pethau Cyfreithiol

Wythnos 6  • Rhoi trefn ar bethau

Wythnos 7  • Cynfas Model Busnes

Wythnos 8  • Gyflwyno yn Iawn!

 

SESIWN 1

Yn ystod y sesiwn gyntaf hon, byddwch yn cwrdd â’ch carfan, a fydd yn dod yn rhwydwaith cymorth i chi erbyn diwedd y cwrs wyth wythnos hwn. Byddwch yn dysgu am feddylfryd entrepreneuraidd a sut mae pobl yn meddwl am syniadau eu busnes, yn ogystal

â pha gymorth busnes sydd ar gael i chi.

SESIWN 2

Yn y sesiwn hon, byddwch yn dysgu beth sy’n gwneud logo da, yr elfennau sy’n ffurfio hunaniaeth eich brand ac i wneud yn siŵr eich bod yn cyfathrebu gwerthoedd eich busnes i’ch cwsmeriaid a rhanddeiliaid.

Yn ogystal â dylunio brand, byddwn hefyd yn dangos ichi sut i ddatblygu strategaeth farchnata a magu cefnogaeth o gwmpas eich brand.

SESIWN 3

Mae’r drydedd sesiwn yn mynd i’r afael ag archwilio gwahanol lwyfannau cyfryngau cymdeithasol, a pha rai all fod o fudd i’ch busnes. Byddwch hefyd yn dysgu am adeiladu gwefan mewn ffordd fforddiadwy, a phwysigrwydd

enwau parth, cynnal, optimeiddio peiriannau chwilio ac atodiadau.

SESIWN 4

Mae nifer o berchnogion busnes newydd yn anghofio am eu harian yn ystod camau cychwynnol eu busnes newydd, ac yn canfod eu bod mewn twll yn ddiweddarach ar hyd y daith. Yn y sesiwn hon, byddwch yn cael cyflwyniad

at gadw cyfrifon, rhagweld, cyllidebu a bancio busnes er mwyn gwneud yn siŵr eich bod yn ymdrin â’ch arian yn hyderus o’r dechrau.

SESIWN 5

Mae perchnogion busnes yn gwisgo sawl “het” o ddydd i ddydd. Felly, mae’n hynod bwysig eich bod mor drefnus â phosibl! Yn y gweithdy hwn, byddwch yn dysgu am strategaethau a chymwysiadau er mwyn cadw ar flaen popeth.

SESIWN 6

Byddwch yn dysgu am y pethau cyfreithiol hynny sydd angen ichi wybod amdanynt nawr. Beth yw ystyr hawlfraint? Beth yw IP? Sut strwythur cyfreithiol busnes ddylwn i ei ddewis? Yn y sesiwn hon, byddwch yn dysgu

sut i sefydlu eich busnes yn gyfreithiol, a sut i ddiogelu eich busnes. Byddwch hefyd yn cael cyfle i ofyn unrhyw gwestiynau penodol sydd gennych chi i gyfreithiwr.

SESIWN 7

Bydd y sesiwn hon yn eich tywys drwy brif flociau adeiladu unrhyw fodel busnes, er mwyn dwyn ynghyd yr holl elfennau rydym wedi mynd i’r afael â nhw yn ystod y cwrs Clwb 5 i 9,

ac i’ch helpu i ddelweddu eich busnes.

SESIWN 8

Dyma ddiwedd y cwrs! Byddwn yn dangos y camau nesaf ichi, pa opsiynau sydd ar gael, a sut i fanteisio arnynt! P’un a ydych yn ystyried dechrau busnes, neu’n ymuno â busnes, gallwn ni eich helpu chi.

Mae’r digwyddiad yma yn cael ei ddarparu gan Busnes Cymru ar ran Llywodraeth Cymru

Mae Busnes Cymru yn wasanaeth dwyieithog ac mae ein digwyddiadau a'n gweithdai ar gael yn y Gymraeg a'r Saesneg, ar ôl cofrestru, rhowch wybod i ni beth yw eich dewisiadau iaith.

Gweler yma i weld sut mae Busnes Cymru yn trin eich gwybodaeth . Os ydych yn archebu lle ar ddigwyddiad Busnes Cymru neu Lywodraeth Cymru , mae'n bosibl y byddwn yn defnyddio'r wybodaeth a rowch i gynnig gwasanaethau personol neu leol chi , i roi gwybod i chi am newidiadau i'n gwasanaeth , i ofyn eich barn ac i helpu ni i wella ein gwasanaethau .

Mae wefannau y byddwn yn cysylltu â nhw yn debygol o fod gyda Thelerau ac Amodau sy'n wahanol i'n rhai ni . Peidiwch â chymryd yn ganiataol bod ein Telerau ac Amodau yn berthnasol i wefannau eraill.