Cwrdd â'r Prynwr – Darpariaeth hyfforddiant, dysgu a datblygu ym maes gofal cymdeithasol

Crynodeb

Mae Cyngor Sir Powys am dendro a chomisiynu rhaglen hyfforddi ddynodedig ar gyfer gwasanaethau Oedolion a Phlant wedi’i hariannu gan grant Rhaglen Datblygu Gweithlu Gofal Cymdeithasol Cymru - RhDGGCC.  Gwneir cais am y grant blynyddol hwn ym mis Chwefror.  Un o ofynion y grant yw bod rhaglen hyfforddi ar waith erbyn 1 Ebrill 2027.

Beth fydd y cynnwys y cwrs?

Ffocws y grant hwn yw cefnogi uchelgais Strategaeth y Gweithlu Iechyd a Gofal Cymdeithasol, parhau i weithredu Deddf Gwasanaethau Cymdeithasol a Llesiant (Cymru) 2014, Deddf Rheoleiddio ac Arolygu Gofal Cymdeithasol (Cymru) 2016 yn ogystal â rhoi cyfle i fynd i'r afael â blaenoriaethau'r gweithlu rhanbarthol a lleol a nodwyd i gefnogi gwella gofal a chymorth ar draws yr holl ddarparwyr a sefydliadau gofal cymdeithasol.

Mae'r grant yn blaenoriaethu'r themâu a'r camau gweithredu canlynol:

•        Adeiladu gweithlu sy'n barod yn ddigidol (camau gweithredu 15-17)

•        Addysg a dysgu rhagorol (camau gweithredu 18 -24)

•        Darparu hyfforddiant gwaith cymdeithasol cymwys ac ôl-gymhwyso

•        Arweinyddiaeth ac olyniaeth (camau gweithredu 25-27)

•        Llunio a chyflenwi'r gweithlu (camau gweithredu 28-32)

Ar gyfer pwy mae'r digwyddiad?

Darparwyr hyfforddiant, dysgu a datblygiad gofal cymdeithasol.

Caiff y digwyddiad hwn ei gyflwyno gan Busnes Cymru ar ran Llywodraeth Cymru.

Hysbysiad Diogelu Data a Rheoliad Diogelu Data Cyffredinol (GDPR):

Bydd manlion eich archeb yn cael ei rhanu gyda’ prynwr at ddibenion cydlynu digwyddiadau a chaffael. Drwy archebu, rydych yn rhoi eich caniatâd i rhannu'r data hwn.