Cyflwyniad i Dendro ar gyfer Busnesau Newydd

Cost: Am ddim

Mae’r cwrs hwn yn cyflwyno’r broses dendro o’r dechrau i’r diwedd, gan ganolbwyntio ar sut y gall eich busnes newydd ganfod cyfleoedd, cofrestru fel cyflenwr, deall dogfennau tendro, a phenderfynu sut i fynd ati i lunio eich cynnig cyntaf. Mae’n egluro tendro mewn ffordd glir ac ymarferol ac mae’n cael gwared ar lawer o’r dryswch a’r ofn sydd ynghlwm â chyflwyno cynnig am waith.

Drwy fynychu'r cwrs hwn, bydd cyfranogwyr yn:

·         Deall beth yw tendrau a pham mae sefydliadau yn eu defnyddio

·         Gwybod lle i ddarganfod cyfleoedd tendro a sut i’w cyrchu

·         Teimlo’n hyderus wrth gofrestru ar byrth tendro a sefydlu proffiliau cyflenwyr

·         Deall beth sydd mewn dogfennau tendro a sut y cânt eu defnyddio

·         Gwybod pa gamau i’w dilyn wrth benderfynu cyflwyno cynnig

Bio’r Cyflwynydd – Laura Danter

Sefydlais Tender Coach i gefnogi busnesau sydd eisiau teimlo’n fwy abl a hyderus wrth dendro. Rwy’n gweithio gyda busnesau sy’n gwybod eu bod yn dda yn eu gwaith, ond sy’n ei chael hi'n anodd trosi hynny’n ymatebion tendr clir a chadarn.

Gyda thros 20 mlynedd o brofiad ymarferol mewn rheoli cynigion a thendrau, rwyf wedi gweld pa mor llethol all y broses deimlo, ond rwyf hefyd wedi gweld bod pethau'n dod yn llawer haws gyda’r strwythur, yr arweiniad a’r ddealltwriaeth gywir.

Rwyf wedi gweithio â thimau cynnig o bob maint, o grwpiau bach, clòs i dimau rhyngwladol mawr, gan ymdrin â phopeth o gyflwyniadau e-bost cyflym i dendrau cymhleth sy’n cael eu danfon mewn crât. Gall y cynigion amrywio, ond yr un pethau sylfaenol sy'n bwysig bob amser; eglurder, cydymffurfiaeth, a chynnwys sy’n hawdd i'w ddarllen ac yn hawdd i'w sgorio.

Fy mwriad yw eich helpu chi i ddeall y broses, meithrin arferion gwell, a datblygu sgiliau y bydd gennych chi am byth. Drwy hyfforddiant ymarferol a mentora un-i-un, rwy’n cefnogi timau i wella sut maent yn mynd i'r afael â thendrau mewn ffordd sy’n teimlo’n realistig a hydrin.

Mae’r digwyddiad yma yn cael ei gynnal gan Busnes Cymru ar ran Llywodraeth Cymru

Mae Busnes Cymru yn wasanaeth dwyieithog ac mae ein digwyddiadau a'n gweithdai ar gael yn y Gymraeg a'r Saesneg, ar ôl cofrestru, rhowch wybod i ni beth yw eich dewisiadau iaith.

Gweler yma i weld sut mae Busnes Cymru yn trin eich gwybodaeth . Os ydych yn archebu lle ar ddigwyddiad Busnes Cymru neu Lywodraeth Cymru , mae'n bosibl y byddwn yn defnyddio'r wybodaeth a rowch i gynnig gwasanaethau personol neu leol chi , i roi gwybod i chi am newidiadau i'n gwasanaeth , i ofyn eich barn ac i helpu ni i wella ein gwasanaethau .

Mae wefannau y byddwn yn cysylltu â nhw yn debygol o fod gyda Thelerau ac Amodau sy'n wahanol i'n rhai ni . Peidiwch â chymryd yn ganiataol bod ein Telerau ac Amodau yn berthnasol i wefannau eraill.

Bydd y wybodaeth a ddarparwch fel rhan o'r archeb yn cael ei chadw am hyd at 7 diwrnod ar ôl i'r digwyddiad ddod i ben.