Cynllun Hyderus o ran Anabledd - Symud Ymlaen i Lefel 2: Gweminar Recriwtio a Chymhelliant Cyflog

Ydych chi’n barod i gymryd y cam nesaf ar eich taith Hyderus o ran Anabledd? 
Ymunwch â ni ar gyfer y weminar ymarferol a defnyddiol a grëwyd i gefnogi cyflogwyr sydd ar Lefel 1 ar y funud ac yn awyddus i symud ymlaen i Lefel 2 y Cynllun Hyderus o ran Anabledd. 
Bydd y sesiwn hon yn eich arwain chi drwy’r hyn y mae’n ei olygu i fod yn Gyflogwr Hyderus o ran Anabledd (Lefel 2) ac yn amlinellu’r gefnogaeth sydd ar gael i helpu’ch busnes dyfu wrth ddod yn fwy cynhwysol a hygyrch. 

Beth i'w Ddisgwyl 

Cewch glywed gan siaradwyr arbenigol o: 
•    DWP (Adran Gwaith a Phensiynau) 
•    Rhaglen Cyflogaeth Pobl Anabl Busnes Cymru 
•    Hyrwyddwyr Cyflogaeth Pobl Anabl Llywodraeth Cymru 
•    Cymru’n Gweithio 
Byddant yn darparu enghreifftiau bywyd go iawn, adnoddau a chyngor ymarferol i’ch helpu chi i: 
•    Gwblhau’r broses ymgeisio ar gyfer lefel 2 y Cynllun Hyderus o ran Anabledd 
•    Recriwtio talent anabl a’i gadw 
•    Deall a chael mynediad at gymhelliad cyflog a chyllid ar gyfer gweithwyr Anabl 
•    Creu diwylliant gweithle a phroses recriwtio gynhwysol 
 
Mae lefel 2 y cynllun yn dangos eich bod, nid yn unig wedi ymrwymo i gynhwysiant anabledd, ond eich bod yn arwain yn weithredol drwy esiampl. Mae’n gwella eich brand cyflogwr, yn cryfhau ceisiadau tendr, ac yn arddangos cyfraniad gwirioneddol i werth cymdeithasol. 
P’un a yw’n cynnig profiad gwaith, interniaethau, neu gyfleoedd gwaith i bobl anabl, bydd y weminar hon yn rhoi syniadau newydd i chi, a’r hyder i symud ymlaen. 
Mae’r digwyddiad yn cynnwys sesiwn Holi ac Ateb fyw a rhwydweithio ar-lein, gan roi’r cyfle i chi ymgysylltu’n uniongyrchol ag arbenigwyr a chyflogwyr o’r un anian. 

Beth fydd cynnwys y cwrs?

Cynllun Hyderus o ran Anabledd yn symud i fyny i lefel 2 gyda chymhelliant cyflog a recriwtio. 

Ar gyfer pwy mae'r digwyddiad?

BBaCh o Gymru sy’n barod am y camau nesaf yn y cynllun Hyderus o ran Anabledd.

Caiff y digwyddiad hwn ei gyflwyno gan Busnes Cymru ar ran Llywodraeth Cymru.