Darganfyddwch Brentisiaeth Caffael Cymru: Gweminar i Gyflogwyr

Cost: Am ddim

Datgloi potensial eich gweithlu gyda llwybr prentisiaeth newydd.

Gyda nifer cyfyngedig o leoedd ar gael ar gyfer y flwyddyn academaidd hon, nawr yw'r amser i edrych sut y gall Prentisiaeth Gaffael Cymru fod o fudd i'ch sefydliad.

Ymunwch â chynrychiolwyr o Lywodraeth Cymru, ALS Training, a Grŵp Llandrillo Menai ar gyfer gweminar addysgiadol wedi'i chynllunio'n benodol ar gyfer cyflogwyr.

Yn ystod y sesiwn hwn, byddwch yn cael mewnwelediadau hanfodol ar Brentisiaeth Caffael Cymru, gan gynnwys:

• Y weledigaeth y tu ôl i'r llwybr: Dysgwch am gefndir a datblygiad y brentisiaeth, a sut mae wedi'i chynllunio i ddiwallu anghenion esblygol gweithlu caffael Cymru.
• Strwythur llwybrau a chymwysterau: Darganfyddwch y cynnwys, y strwythur a'r cymwysterau y bydd prentisiaid yn eu cyflawni - gan gynnwys sut mae'r rhain yn cyd-fynd â safonau'r diwydiant ac yn cefnogi twf proffesiynol.
• Cyllid a grantiau sydd ar gael Deall y model ariannu ar gyfer y brentisiaeth, pa gostau sy'n cael eu cefnogi a pha gostau y byddwch yn eu hwynebu, a'r manteision i'ch sefydliad.
• Cyfrifoldebau'r cyflogwr: Cael darlun clir o'ch rôl wrth gefnogi prentisiaid, o gynefino i fentora, a sut i greu profiad llwyddiannus i'ch busnes a'r dysgwr.
• Amserlenni allweddol a'r camau nesaf: Darganfyddwch sut a phryd i gymryd rhan i sicrhau lle i'ch sefydliad eleni.

Bydd sesiwn holi ac ateb byw gyda darparwyr hyfforddiant hefyd - eich cyfle i ofyn cwestiynau a chael y cyngor cywir.

Peidiwch â cholli'r cyfle hwn i fuddsoddi yn nyfodol caffael yng Nghymru.

Hysbysiad Preifatrwydd

Mae Llywodraeth Cymru yn cefnogi rhaglenni lluosog o allu caffael ehangach a datblygu capasiti sy’n cynnwys trefnu a hyrwyddo gweminarau sy’n cynyddu gwybodaeth a sgiliau proffesiwn caffael sector cyhoeddus Cymru. Bydd Llywodraeth Cymru yn recordio gweminarau er mwyn rhannu gwybodaeth yn agored a chasglu adborth i wella ein gwasanaethau.

Llywodraeth Cymru yw’r rheolydd data a’r prosesydd data ar gyfer yr holl ddata a gaiff ei gasglu gan y tîm. Mae rheolydd data yn pennu sut a pham y gellir prosesu data personol.

Mae’r hysbysiad preifatrwydd hwn yn rhoi gwybodaeth gyffredinol i chi am sut rydym ni’n trin eich data pan fyddwch chi’n cofrestru i fynychu hyfforddiant ffurfiol ac anffurfiol. 

Pa ddata personol a gedwir gennym, ac o ble y daw’r wybodaeth hon?

Diffinnir data personol o dan y Rheoliad Cyffredinol ar Ddiogelu Data (GDPR) fel ‘unrhyw wybodaeth sy'n ymwneud ag unigolyn adnabyddadwy y gellir ei adnabod, yn uniongyrchol neu'n anuniongyrchol, drwy gyfeirio at ddyfais adnabod’.

Bydd cofrestru ar gyfer y digwyddiadau hyfforddi a gydlynir gennym ni ar gael drwy Busnes Cymru. Bydd Busnes Cymru yn casglu eich gwybodaeth bersonol, yn benodol eich enw, eich cyfeiriad e-bost a’ch sefydliad ac yn rhannu eich gwybodaeth gyda ni i’n galluogi i reoli eich cais i fynychu’r digwyddiad hyfforddi. Gellir gweld manylion ar sut mae Busnes Cymru yn casglu eich gwybodaeth bersonol drwy gofrestru drwy glicio yma.

Byddwn yn recordio pob gweminar. Bydd pawb fydd yn mynychu’r weminar yn cael gwybod am y recordiad cyn i'r recordio ddechrau. Bydd y recordiadau hyn ar gael ar lwyfannau Llywodraeth Cymru a/neu lwyfannau cyfryngau agored eraill yn dibynnu ar y gynulleidfa arfaethedig. Bydd enwau'r rhai fydd yn mynychu’r weminar yn cael eu cofnodi yn y recordiadau.

Yn ogystal, byddwn hefyd yn casglu data personol yn anfwriadol trwy gwestiynau sylwadau agored os bydd ymatebwyr yn darparu gwybodaeth a allai ddatgelu pwy ydyn nhw.

Byddwn yn defnyddio'ch gwybodaeth bersonol a ddarperir wrth gofrestru i ofyn am adborth ar ôl y cwrs. Gofynnir am adborth trwy ein meddalwedd arolwg 'Smart Survey' lle gofynnir i ymatebwyr roi eu henwau a'u manylion cyswllt, trwy ddarparu'ch gwybodaeth bersonol rydych yn caniatáu i ni ddefnyddio'ch gwybodaeth i gael adborth pellach mewn perthynas â'r wybodaeth rydych chi wedi’i darparu. Mae darparu eich gwybodaeth gyswllt yn yr Arolwg yn gwbl wirfoddol. 

Gwybodaeth ychwanegol rydym yn ei chasglu

Rydym ni’n defnyddio meddalwedd arolwg o dro i dro sy’n galluogi ymatebwyr i gadw a dychwelyd i arolwg, fel nad oes rhaid iddyn nhw gwblhau arolwg ar un cynnig. Os byddwch chi’n dewis ‘cadw a pharhau nes ymlaen’, bydd y feddalwedd yn gofyn am eich enw a’ch cyfeiriad e-bost fel bod dolen unigryw yn cael ei chreu a’i hanfon atoch mewn e-bost fel y gallwch chi fynd yn ôl a chwblhau’r arolwg ar adeg gyfleus. Mae'r wybodaeth hon ond yn cael ei chadw gan y feddalwedd fel y gallwch chi ailgydio yn yr arolwg.  Nid yw byth ar gael fel rhan o ymateb eich arolwg ac nid oes modd i’r tîm ei gweld. Yna, caiff y wybodaeth hon ei dileu yn unol â gweithdrefnau cadw data'r feddalwedd (h.y. mae data arolwg yn cael ei ddileu ar ddiwedd y grŵp defnyddwyr ac yna'n cael ei lanhau o'r feddalwedd ar ôl 30 diwrnod).

Nid yw'r cwestiynau a ofynnir yn ein harolygon adborth yn gofyn yn benodol am unrhyw wybodaeth bersonol lle mae modd eich adnabod. Os bydd unrhyw un o'ch ymatebion yn rhoi gwybodaeth bersonol i ni lle mae modd eich adnabod, yna bydd hyn yn cael ei olygu o'r holl adroddiadau.

Beth yw’r sail gyfreithiol ar gyfer defnyddio eich data personol?

O dan Erthygl 6 o Reoliadau Diogelu Data Cyffredinol y DU, sail gyfreithlon prosesu gwybodaeth yw Buddiant Dilys. Hynny yw, trwy brosesu eich data personol rydym yn gallu darparu mynediad i hyfforddiant ffurfiol ac anffurfiol a fydd yn cefnogi rhannu gwybodaeth, profiadau ac arferion gorau er mwyn cynorthwyo i gyflawni arfer gorau a sicrhau'r gwerth gorau o wariant caffael y sector cyhoeddus.

Mae cofrestru ar gyfer y digwyddiad hyfforddi, cymryd rhan mewn adborth a chytuno i dderbyn cyfathrebiadau yn y dyfodol yn gwbl wirfoddol. Fodd bynnag, mae eich cyfranogiad, eich barn a'ch profiadau yn bwysig i gefnogi datblygu capasiti, llywio gwelliant a darparu ein gwasanaethau. 

Pa mor ddiogel yw eich data personol a gyda phwy rydym ni’n rhannu eich gwybodaeth?

Bydd gwybodaeth bersonol adnabyddadwy a rennir adeg cofrestru yn cael ei chadw gan Dîm Gallu Caffael Masnachol Llywodraeth Cymru a dim ond aelodau staff o fewn yr isadran hon fydd yn ei gallu cael mynediad at y wybodaeth honno i rannu cyfathrebiadau ynghylch ein gwasanaethau. Mae unrhyw wybodaeth a ddarperir yn cael ei storio ar ran warchodedig o iShare (system rheoli dogfennau mewnol Llywodraeth Cymru).

Bydd recordiadau o sesiynau hyfforddi ffurfiol ac anffurfiol yn cael eu cadw ar lwyfannau'r llywodraeth a/neu dudalennau cyfryngau cymdeithasol eraill. Os caiff ei gipio yn y recordiad bydd eich enw’n cael ei arddangos yn yr hyfforddiant a lanlwythwyd.

Adrodd ar Arolygon Adborth

Wrth adrodd ar ganfyddiadau’r adborth a gawn, bydd y tîm yn sicrhau na ddarperir unrhyw wybodaeth y gellid ei defnyddio i adnabod cyfranogwyr unigol. Bydd yr holl ddata sy'n cael ei gasglu drwy ein harolygon yn cael ei adrodd mewn fformat dienw.

Am ba mor hir rydym ni’n cadw eich data personol?

Byddwn yn cadw unrhyw wybodaeth bersonol adnabyddadwy am hyd at 5 mlynedd.

Byddwn yn cadw recordiadau gweminarau a all gynnwys gwybodaeth bersonol am hyd at 5 mlynedd. Os bernir bod yr hyfforddiant wedi dyddio, yna bydd y recordiad yn cael ei dynnu o bob platfform.

Hawliau unigolion

O dan GDPR, mae gennych yr hawliau canlynol mewn perthynas â’r wybodaeth bersonol a ddarperir gennych trwy unrhyw ran o’r ymchwil a gynhaliwyd drwy’r Rhaglen Ymchwil Gweithwyr, yn benodol mae gennych yr hawl:

• I gael mynediad at gopi o'ch data eich hun;
• I ni gywiro gwallau yn y data hwnnw;
• I wrthwynebu neu gyfyngu ar unrhyw brosesu (o dan amgylchiadau penodol);
• I’ch data gael ei ‘ddileu’ (o dan amgylchiadau penodol); ac
• I gyflwyno cwyn i Swyddfa’r Comisiynydd Gwybodaeth, sef ein rheoleiddiwr annibynnol ar gyfer diogelu data.

Dyma fanylion cyswllt Swyddfa'r Comisiynydd Gwybodaeth: Wycliffe House, Water Lane, Wilmslow, Cheshire, SK9 5AF. Ffôn: 01625 545 745 neu 0303 123 1113. Gwefan: www.ico.gov.uk

Rhagor o Wybodaeth

Os oes gennych ragor o gwestiynau am sut y bydd y data a ddarperir fel rhan o'r gwaith hwn yn cael eu defnyddio gan Lywodraeth Cymru, neu os hoffech arfer eich hawliau gan ddefnyddio'r Rheoliad Cyffredinol ar Ddiogelu Data (GDPR), cysylltwch â:

Enw: Simon Brindle

Cyfeiriad e-bost: Simon.Brindle@Gov.wales

Rhif ffôn: 03000 257310

Gweler yma i weld sut mae Llywodraeth Cymru yn trin eich gwybodaeth . Os ydych yn archebu lle ar ddigwyddiad Busnes Cymru neu Lywodraeth Cymru , mae'n bosibl y byddwn yn defnyddio'r wybodaeth a rowch i gynnig gwasanaethau personol neu leol chi , i roi gwybod i chi am newidiadau i'n gwasanaeth , i ofyn eich barn ac i helpu ni i wella ein gwasanaethau .

Mae wefannau y byddwn yn cysylltu â nhw yn debygol o fod gyda Thelerau ac Amodau sy'n wahanol i'n rhai ni . Peidiwch â chymryd yn ganiataol bod ein Telerau ac Amodau yn berthnasol i wefannau eraill.