Datblygu Eich Busnes Drwy Fasnach Ryngwladol - Cyflwyniad mewn Partneriaeth â'r Ffederasiwn Busnesau Bach

Cost: Am ddim

Mae'r sesiwn ragarweiniol hon yn rhoi trosolwg ymarferol i fusnesau bach o sut y gall masnach ryngwladol helpu busnesau i dyfu. Bydd y sesiwn, a gyflwynir mewn partneriaeth â'r Ffederasiwn Busnesau Bach, yn archwilio'r cyfleoedd sydd ar gael mewn marchnadoedd tramor, manteision allforio, a'r ystyriaethau allweddol i fusnesau sy'n cymryd eu camau cyntaf i faes masnach ryngwladol.

Mae Mynd yn Fyd-Eang wedi'i gynllunio ar gyfer perchnogion uchelgeisiol busnesau bach sy'n barod i ehangu y tu hwnt i farchnadoedd domestig a datgloi cyfleoedd newydd dramor.

Yn y sesiwn ymarferol bwrpasol hon, byddwch chi'n dysgu sut i ganfod y marchnadoedd rhyngwladol cywir ar gyfer eich busnes, ble i ddod o hyd i gymorth dibynadwy, a sut i symud ymlaen gydag eglurder a hyder. Byddwn yn rhannu profiadau y gellir eu rhoi ar waith mewn perthynas ag allforio, goresgyn heriau cyffredin, a gwneud i fasnach fyd-eang weithio i chi.

Ar ôl y seminar, cewch gyfle hefyd i gymryd rhan mewn sesiwn un-i-un yng nghwmni arbenigwr, a fydd yn gyfle i chi drafod eich nodau penodol a chael cyngor wedi'i deilwra.

Nifer cyfyngedig o leoedd sydd ar gael, felly cofiwch fynd ati'n fuan i gadw eich lle rhag ichi gael eich siomi.

Mae'n agored i bob busnes yng Nghymru sydd ag uchelgais i ddatblygu’n rhyngwladol. Nid yw’n berthnasol i gyfryngwyr na chyflenwyr gwasanaethau masnach ryngwladol

Gweler yma i weld sut mae Llywodraeth Cymru yn trin eich gwybodaeth . Os ydych yn archebu lle ar ddigwyddiad Busnes Cymru neu Lywodraeth Cymru , mae'n bosibl y byddwn yn defnyddio'r wybodaeth a rowch i gynnig gwasanaethau personol neu leol chi , i roi gwybod i chi am newidiadau i'n gwasanaeth , i ofyn eich barn ac i helpu ni i wella ein gwasanaethau .

Mae wefannau y byddwn yn cysylltu â nhw yn debygol o fod gyda Thelerau ac Amodau sy'n wahanol i'n rhai ni . Peidiwch â chymryd yn ganiataol bod ein Telerau ac Amodau yn berthnasol i wefannau eraill.

Bydd y wybodaeth a ddarparwch fel rhan o'r archeb yn cael ei chadw am hyd at 7 diwrnod ar ôl i'r digwyddiad ddod i ben.