Deallusrwydd Artiffisial ar draws y Cwricwlwm Cynradd (Cymraeg) - WD002

Trosolwg

Cost: Am ddim

Cyflwynir y cwrs hwn yn Cymraeg, ar gyfer y cwrs Saesneg ewch yma Business Wales Events Finder - AI across the Primary Curriculum - WD001

Crynodeb

Mae'r cwrs hwn yn archwilio sut y gall Deallusrwydd Artiffisial (AI) gefnogi'r Fframwaith Cymhwysedd Digidol (FfCD) a Chwricwlwm Cymru ar draws Meysydd Dysgu Cynradd (MDC).

Bydd cyfranogwyr yn cael profiad ymarferol gydag offer AI, yn dysgu sut i gynllunio ar gyfer dilyniant priodol sy'n gysylltiedig â datganiadau FfCD, ac yn ymgorffori AI mewn ffyrdd sy'n datblygu'r pedwar diben - helpu dysgwyr i ddod yn uchelgeisiol a galluog (trwy ddatrys problemau a chreadigrwydd), yn fentrus ac yn greadigol (trwy ddefnyddio AI ar gyfer arloesi), yn foesegol ac yn wybodus (trwy ddefnyddio AI yn gyfrifol), ac yn iach ac yn hyderus (trwy hyrwyddo lles a chydnerthedd digidol).

Mae'r cwrs hwn yn cynnwys enghreifftiau ymarferol, cyfleoedd myfyrio a thrafod a chreu cynllun gweithredu ar gyfer integreiddio AI yn effeithiol yn yr ysgol.

I bwy mae o?

Athrawon ac arweinwyr mewn lleoliadau cynradd, mewn ysgolion gwladol yng Nghymru

Pa bynciau sy'n cael eu trafod?

Beth yw AI a sut y gellir ei ddefnyddio'n ddiogel ac yn foesegol mewn lleoliadau cynradd? Yn unol â pholisïau defnydd derbyniol ysgolion.
Cynllunio ar gyfer dilyniant priodol mewn defnydd AI, gan gysylltu gweithgareddau â datganiadau'r Fframwaith Cymhwysedd Digidol a chamau dilyniant ar draws grwpiau blwyddyn.
Ymgorffori AI mewn addysgu a dysgu i gefnogi'r pedwar diben, gan helpu dysgwyr i ddod yn uchelgeisiol, yn fentrus, yn foesegol, ac yn hyderus.
Cymhwyso offer AI yn ymarferol ar draws Meysydd Dysgu a Phrofiad, gan addasu enghreifftiau i'w pynciau a'u themâu eu hunain.
Creu cynllun lefel ysgol ymarferol ar gyfer integreiddio AI, gan sicrhau cysondeb ac effaith.
Datblygu hyder wrth ddefnyddio offer AI yn effeithiol, gan alluogi athrawon i fodelu arferion digidol cadarnhaol a gwybodus ar gyfer dysgwyr.

Pa mor hir yw'r cwrs

6 awr o ddysgu o bell

Sut fyddwch chi'n dysgu?

Bydd y cwrs byw ar-lein hwn o bell yn eich galluogi i gymryd rhan mewn trafodaethau a gweithgareddau gyda chyfranogwyr eraill, dan arweiniad arweinydd datblygiad proffesiynol STEM.

Canlyniadau

Erbyn diwedd y cwrs hwn, byddwch yn gallu:

Deall beth yw AI a sut mae'n cael ei ddefnyddio'n ddiogel gyda phlant oedran cynradd.
Trafod pwysigrwydd polisïau defnydd derbyniol a chysondeb dull o AI ar draws yr ysgol.
Archwilio ffyrdd o gynllunio ar gyfer dilyniant ac olrhain cwmpas y Fframwaith Cymhwysedd Digidol.
Profiad ymarferol o offer AI i wella Meysydd Dysgu a Phrofiad 1 - 6
Trafod ac archwilio ffyrdd y gall ymarferwyr ei gymhwyso i'w haddysgu a'u cynllunio eu hunain.
Myfyrio ar sut olwg fydd ar AI yn eu hysgol.
Creu cynllun gweithredu ar gyfer gweithredu AI wrth fynd yn ôl i'w lleoliadau.