Sesiwn benodol i gyflenwyr: Paratoi am Flwyddyn 5 y Rhaglen Ôl-osod er mwyn Optimeiddio (ORP)

Beth fydd cynnwys y cwrs?

Gyda’r cadarnhad bod £98.75 miliwn ar gyfer blwyddyn nesaf y Rhaglen Ôl-osod er mwyn Optimeiddio (ORP), mae cyfle arbennig i Gymru gryfhau ymhellach ac ehangu ei chadwyn gyflenwi ôl-osod. Er bod arian ORP yn cael ei gyfeirio at landlordiaid tai cymdeithasol Cymru, mae cyflenwyr yn dal yn ganolog i ddarparu datrysiadau ôl-osod sy’n edrych ar y tŷ cyfan, yn unol â gofynion PAS 2030/2035, gofynion MCS, a safonau TrustMark.

Bydd y sesiwn yn arbennig i gyflenwyr gyda’r bwriad o helpu busnesau Cymru i ddeall beth sydd angen ar landlordiaid ar gyfer Blwyddyn 5 ORP – a sut all cydweithio gan gynnwys bidio ar y cyd – greu mwy o gystadleuaeth, gwella’r gallu i gyflawni, a sicrhau bod mwy o werth economaidd y rhaglen yn aros yn lleol. Bydd y sesiwn yn cefnogi cyflenwyr i roi eu hunain mewn sefyllfa effeithiol cyn y gwaith caffael landlordiaid a fydd yn dechrau yn nes ymlaen yn 2026.

Bydd y weminar yn edrych ar:

•    Beth sydd ei angen ar landlordiaid ar gyfer Blwyddyn 5 ORP
•    Disgwyliadau’r Dull Tŷ Cyfan – a beth maent yn ei olygu yn ymarferol i gyflenwyr
•    Modelau cyflawni ar y cyd a dulliau gweithio mewn partneriaeth rhwng cyflenwyr yng Nghymru
•    Sut i baratoi ar gyfer ffenestri caffael ORP, gan gynnwys cysoni gallu a pharodrwydd i wneud cais

Ar gyfer pwy mae'r digwyddiad?

Defnyddiau Inswleiddio

Aerglosrwydd a Diogelu rhag Drafft

Ffenestri a Drysau

Systemau Gwresogi a Dŵr Poeth

Ynni Adnewyddadwy a Chynhyrchu

Systemau Awyru

Goleuadau a Thrydan

Rheoli Dŵr

Gwaith Allanol a Thirlunio

Caiff y digwyddiad hwn ei gyflwyno gan Busnes Cymru ar ran Llywodraeth Cymru.