Space-Comm 2027, ExCeL Llundain 24–25 Chwefror 2027

Cost: Am ddim

Mae Llywodraeth Cymru yn gwahodd cwmnïau o Gymru i ymuno â Phafiliwn Cymru yn Expo Space-Comm 2027, a gynhelir yn ExCeL Llundain ar 24–25 Chwefror 2027.

A hithau'n brif arddangosfa a chynhadledd diwydiant gofod blaenllaw y DU, mae Space-Comm Expo yn dwyn ynghyd fusnesau, buddsoddwyr, ymchwilwyr, sefydliadau'r llywodraeth ac arweinwyr diwydiant o bob rhan o'r sector. Mae Cymru yn gartref i sector gofod sy'n tyfu, gyda chwmnïau arloesol yn datblygu technolegau a gwasanaethau sy'n cefnogi cyfathrebu lloeren, awyrofod, gweithgynhyrchu uwch a chymwysiadau data. Mae hwn yn gyfle i arddangos eich galluoedd, codi eich proffil a meithrin cysylltiadau newydd yn y DU a marchnadoedd gofod rhyngwladol.

Y ffi am gymryd rhan

£250 + TAW

Beth sydd wedi'i gynnwys?

Fel arddangoswr ym Mhafiliwn Cymru, byddwch yn cael:

• Pod arddangos pwrpasol ym Mhafiliwn Cymru.
• Mynediad i ddigwyddiadau ar gyfer cynrychiolwyr eich cwmni.
• Eich cynnwys yng ngweithgareddau marchnata a hyrwyddo Pafiliwn Cymru, lle bo hynny ar gael.
• Eich hyrwyddo drwy sianeli cyfryngau cymdeithasol Llywodraeth Cymru.
• Mynediad at ddigwyddiadau rhwydweithio a chyfarfodydd busnes sy'n gysylltiedig â'r arddangosfa.
• Cyfleoedd i gwrdd â darpar gwsmeriaid, buddsoddwyr a phartneriaid o bob rhan o'r DU a'r sectorau gofod rhyngwladol.
• Cymorth gan dîm digwyddiadau Llywodraeth Cymru cyn ac yn ystod yr arddangosfa.

Pwysig

Nid yw'r ffi am gymryd rhan yn cynnwys:

• Llety
• Teithio
• Costau cynhaliaeth

Bydd disgwyl i gwmnïau sy'n cymryd rhan sicrhau bod eu pod arddangos yn cael ei staffio drwy gydol oriau agor y digwyddiad.

Ceisiadau

Mae lleoedd ym Mhafiliwn Cymru yn gyfyngedig. Nid yw llenwi ffurflen gais yn gwarantu lle.

Bydd ceisiadau yn cael eu hasesu gan ddefnyddio'r wybodaeth a roddir, a gellir rhoi blaenoriaeth i gwmnïau y mae eu cynhyrchion, eu gwasanaethau neu eu harbenigedd yn berthnasol i'r sector gofod a'r cyfleoedd sydd ar gael yn y digwyddiad.

Dyddiad cau ar gyfer Ceisiadau:

31 Hydref 2026

Hyrwyddwch eich busnes, gwneud cysylltiadau newydd, archwilio cyfleoedd yn y farchnad a helpu i ddangos bod Cymru yn ganolfan arloesi a thechnoleg.

Ymunwch â Phafiliwn Cymru yn Expo Space-Comm 2027 a chysylltu â'r diwydiant gofod yn y DU a'r diwydiant gofod rhyngwladol.

Gweler yma i weld sut mae Llywodraeth Cymru yn trin eich gwybodaeth . Os ydych yn archebu lle ar ddigwyddiad Busnes Cymru neu Lywodraeth Cymru , mae'n bosibl y byddwn yn defnyddio'r wybodaeth a rowch i gynnig gwasanaethau personol neu leol chi , i roi gwybod i chi am newidiadau i'n gwasanaeth , i ofyn eich barn ac i helpu ni i wella ein gwasanaethau .

Mae wefannau y byddwn yn cysylltu â nhw yn debygol o fod gyda Thelerau ac Amodau sy'n wahanol i'n rhai ni . Peidiwch â chymryd yn ganiataol bod ein Telerau ac Amodau yn berthnasol i wefannau eraill.

Bydd y wybodaeth a ddarparwch fel rhan o'r archeb yn cael ei chadw am hyd at 7 diwrnod ar ôl i'r digwyddiad ddod i ben.