Ymweld ag Ein Ffermydd - Medi 2025 - Parc y Dderwen

Cost: Am ddim

Fel rhan o gyfres flynyddol o 22 ymweliad fferm ledled Cymru, mae Lauren a Phil Moore yn eich gwahodd i ddiwrnod agored Rhwydwaith Ein Ffermydd Cyswllt Ffermio ar fferm Parc y Dderwen, i weld a chlywed mwy am y prosiectau sydd ar waith fel rhan o’r rhwydwaith.

Yn ystod yr ymweliad, mi fydd siaradwyr arbenigol yn arddangos a thrafod y treialon sydd ar waith ar fferm Parc y Dderwen, a bydd y pynciau canlynol yn cael sylw:

• arallgyfeirio i gnydau garddwriaeth lluosflwydd
• arbed hadau masnachol
• cynhyrchu cnydau bresych ar gyfer busnes bwyd wedi'i eplesu'n fasnachol

Wedi'i lleoli yn Llangolman, Sir Benfro, mae Parc y Dderwen yn fferm 5 hectar sy'n rhedeg nifer o fentrau garddwriaeth.

Fel rhan o’r Rhwydwaith Ein Ffermydd, mae fferm Parc y Dderwen yn canolbwyntio ar:

• Arbrawf Ein Ffermydd sy’n tyfu amrywiaeth o gnydau lluosflwydd bwytadwy a llysieuol er mwyn edrych ar lwybrau newydd i’r farchnad
• Tyfu cnydau ar gyfer arbed hadau masnachol, ar gyfer busnesau hadau Cymru megis Real Seeds a Welsh Seed Hub
• Rhannu gwybodaeth ar gynhyrchu cnydau bresych ar gyfer busnes bwyd wedi'i eplesu'n fasnachol

Bydd cyfle hefyd i gael sgwrs â rhanddeiliaid y diwydiant a gweld arddangosiadau o wahanol dechnolegau sy'n gysylltiedig â'r gwaith prosiect ar wahanol stondinau.

Bydd lluniaeth ar gael ar ôl y daith o amgylch y fferm.

Nid yw cofrestru yn hanfodol ond rydym yn eich annog i wneud ar gyfer dibenion arlwyo.

I neilltuo eich lle ar y digwyddiad hwn, cofrestrwch isod neu cysylltwch â Hannah Norman, Swyddog Sector Garddwriaeth ar hannah.norman@mentera.cymru / 07479368476

Mae croeso cynnes i bawb ac rydym yn edrych ymlaen at eich gweld ar fferm Parc y Dderwen.

Sicrhewch eich bod yn cwblhau pob cam yn y broses o 1 i 4 er mwyn archebu eich lle. Byddwch yn gweld neges “Diolch” unwaith y bydd pob cam wedi’i gwblhau. 

Telerau Busnes

Mae eich preifatrwydd yn bwysig i Cyswllt Ffermio ac yn unol â'r rheoliad diogelu data cyffredinol (GDPR), mae hysbysiad preifatrwydd digwyddiadau yn rhoi gwybod i chi pam ein bod yn casglu, defnyddio a phrosesu eich gwybodaeth a phwy fydd yn cael mynediad iddi. Drwy archebu lle ar gwrs neu ddigwyddiad Cyswllt Ffermio, rydych yn derbyn y telerau a'r amodau hyn.

Drwy drefnu lle yn un o ddigwyddiadau/cyrsiau Cyswllt Ffermio neu Lywodraeth Cymru, rydych yn derbyn telerau ac amodau cyffredinol defnyddio gwasanaethau ar-lein Llywodraeth Cymru, ac yn derbyn Hysbysiad Prosesu Teg Cyswllt Ffermio.
Gallwn hefyd ddefnyddio'r wybodaeth rydych yn ei rhoi i gynnig gwasanaethau personol neu leol i chi, rhoi gwybod i chi am newidiadau i'n gwasanaeth, holi eich barn a'n helpu i wella ein gwasanaethau.
Mae'n debygol y bydd gan wefannau rydym yn rhoi dolen iddynt Delerau ac Amodau sy'n wahanol i'n rhai ni. Peidiwch â thybio bod ein Telerau ac Amodau yn berthnasol i wefannau eraill.
Mae cynrychiolwyr yn cydnabod bod deunyddiau cyrsiau a rhaglenni neu gopïau ohonynt yn eiddo i ddarparwyr hyfforddiant ac y gallant fod yn destun hawlfraint. Cytunir na fydd cynrychiolydd na'i gorff noddi yn copïo'r deunyddiau hynny, yn llawn neu'n rhannol, heb gael caniatâd ysgrifenedig darparwr yr hyfforddiant.
Rydym yn cadw'r hawl i ganslo neu ddiwygio amser y sesiynau hyn unrhyw bryd hyd at amser dechrau'r sesiwn; rhoddir gwybodaeth unigol am bob cwrs.
Gall cynrychiolwyr hefyd ganslo eu lle unrhyw bryd drwy ddilyn y ddolen yn yr e-bost a gawsant fel cadarnhad neu drwy gysylltu â'r Ganolfan Gwasanaethau.
Mae Canolfan Gwasanaethau Cyswllt Ffermio ar agor o ddydd Llun i ddydd Gwener rhwng 08:00 a 17:00 ac eithrio Gwyliau Cyhoeddus.
I gael rhagor o wybodaeth am Gyswllt Ffermio, ewch i'n gwefan neu ffoniwch ni ar 03456 000 813.
Mae'r cyfeiriadur yn cynnwys gwybodaeth am ddigwyddiadau sy'n cael eu cynnig gan Gyswllt Ffermio, Llywodraeth Cymru a darparwyr eraill yn y sector cyhoeddus a phreifat. Nid ydym yn gyfrifol am wybodaeth am ddigwyddiadau sy'n cael eu cynnig gan ddarparwyr eraill ac ni allwn gymryd cyfrifoldeb am yr hyn a allai ddigwydd pe baech yn gweithredu ar yr wybodaeth honno.