Hygyrchedd

Mae’r wefan hon yn cael ei chynnal gan Busnes Cymru. Rydym eisiau i gymaint o bobl â phosibl allu defnyddio’r wefan hon. Mae hynny’n golygu y dylech chi allu:

• newid lliwiau, lefelau cyferbyniad a ffontiau
• chwyddo hyd at 300% heb i’r testun fynd oddi ar y sgrin
• llywio’r rhan fwyaf o’r wefan gan ddefnyddio bysellfwrdd yn unig
• llywio’r rhan fwyaf o’r wefan gan ddefnyddio meddalwedd adnabod llais
• gwrando ar y rhan fwyaf o’r wefan gan ddefnyddio rhaglen darllen sgrin (gan gynnwys y fersiynau diweddaraf o JAWS, NVDA a VoiceOver)

Hefyd, rydym wedi gwneud testun y wefan mor syml a chlir â phosibl i’w ddeall.

Mae cyngor ar gael gan AbilityNet ar wneud eich dyfais yn haws ei defnyddio os oes gennych anabledd.

Hygyrchedd y wefan hon

Rydym yn gwybod bod rhai rhannau o’r wefan hon nad ydynt yn gwbl hygyrch:

• ni allwch addasu uchder llinellau na bylchiad geiriau
• nid yw’r rhan fwyaf o’r dogfennau PDF hŷn yn gwbl hygyrch i feddalwedd darllen sgrin
• mae’n bosibl na fyddwch yn gallu neidio i’r prif gynnwys wrth ddefnyddio meddalwedd cynorthwyol.

Beth i’w wneud os na allwch chi gael mynediad at rannau o’r wefan hon

Os oes angen gwybodaeth arnoch ar y wefan hon mewn fformat gwahanol fel PDF hygyrch, print bras, hawdd ei ddeall, recordiad sain neu Braille:

• defnyddiwch y ffurflen cysylltwch â ni
• ffoniwch: 03000 6 03000

Rydym yn croesawu galwadau yn Gymraeg.

Byddwn yn ystyried eich cais ac yn ymateb i chi o fewn 7 diwrnod.

Rhoi gwybod am broblemau hygyrchedd ar y wefan hon

Rydym bob amser yn ceisio gwella hygyrchedd y wefan hon. Os byddwch yn dod ar draws unrhyw broblemau nad ydynt wedi’u rhestru ar y dudalen hon neu’n meddwl nad ydym yn bodloni gofynion y rheoliadau hygyrchedd, cysylltwch â ni:

• gan ddefnyddio’r ffurflen cysylltwch â ni
• wrth ffonio: 03000 6 03000

Rydym yn croesawu galwadau yn Gymraeg.

Gweithdrefn orfodi

Mae’r Comisiwn Cydraddoldeb a Hawliau Dynol yn gyfrifol am orfodi’r rheoliadau hygyrchedd. Os nad ydych chi’n hapus â’r ffordd rydym yn ymateb i’ch cwyn, cysylltwch â’r Equality Advisory and Support Service (EASS).

Cysylltu â ni ar y ffôn neu ymweld â ni’n bersonol

Mae Ofcom yn ei gwneud yn ofynnol i bob cwmni ffonau llinell dir a ffonau symudol ddarparu nifer o wasanaethau i gwsmeriaid ag anableddau. Gallwch ddefnyddio eich dewis o wasanaeth cyfnewid testun i gysylltu â Busnes Cymru.

Mae system dolen glywed yn ein swyddfeydd, neu os byddwch yn cysylltu â ni cyn eich ymweliad, byddwn yn gwneud pob ymdrech i drefnu dehonglydd Iaith Arwyddion Prydain.

• Gwybodaeth am sut i gysylltu â ni
• Ffoniwch: 03000 6 03000

Rydym yn croesawu galwadau yn Gymraeg.

Gwybodaeth dechnegol am hygyrchedd y wefan hon

Mae Busnes Cymru wedi ymrwymo i wneud ei wefannau yn hygyrch, yn unol â Public Sector Bodies (Websites and Mobile Applications) (No. 2) Accessibility Regulations 2018.

Statws cydymffurfedd

Mae’r wefan hon yn cydymffurfio’n rhannol â safon AA Web Content Accessibility Guidelines version 2.1, oherwydd y problemau peidio â chydymffurfio a restrir isod.

Problemau â thechnoleg

Amlinellir isod y dechnoleg nad yw’n hygyrch:

• nid oes modd i ddefnyddwyr newid bylchiad geiriau neu uchder llinellau
• mae rhai rheolyddion ffurflenni HTML heb enwau hygyrch
• mae angen i rai botymau radio sydd â labeli generig iawn gael eu hamgáu mewn set faes gydag allwedd yn esbonio’r label
• gall fod yn anodd gweld amlinelliad neu arddull borderi dalennau diwyg rhaeadrol (CSS) ar yr elfen sydd mewn ffocws.
• mae angen enwau hygyrch ar rai meysydd mewn grŵp o feysydd mewnbwn (er enghraifft rhifau ffôn).

Problem â thestun

Mae testun nad yw’n hygyrch wedi’i amlinellu isod:

• mae trefn penawdau yn anghywir ar rai tudalennau
• mae tagiau penawdau gwag ar rai tudalennau
• mae tagiau alt sy’n rhy hir / testun alt ar goll ar rai tudalennau
• mae testun dolenni ar goll ar rai tudalennau
• mae tablau sydd angen capsiynau disgrifiadol ar rai tudalennau
• mae tablau sydd angen enw a/neu ddisgrifiad ar rai tudalennau
• mae tablau sydd â phenawdau colofnau gwag ar rai tudalennau
• mae tablau sydd mewn rhai achosion yn rhy gymhleth eu strwythur ar rai tudalennau
• mae testun dolenni wedi’i ddyblygu ar rai tudalennau
• mae tablau cymhleth sydd angen data cyswllt penodol a chelloedd penawdau ar rai tudalennau
• mae dolenni cyfagos i’r un lleoliad ar rai tudalennau
• mewn rhai achosion, mae angen i destun dolenni fod yn fwy disgrifiadol mewn rhannau
• mae rhai dolenni wedi’u hanelu at dudalennau sydd naill ai ddim yn bodoli mwyach, neu sydd â mynediad cyfyngedig, neu wedi’u hanelu at dagiau angori nad ydynt yn bodoli

Problemau â dogfennau PDF a dogfennau eraill

Mae rhai dogfennau PDF a dogfennau eraill hŷn ar y safle hwn sy’n methu bodloni safonau hygyrchedd.

Nid yw’r rheoliadau hygyrchedd yn ei gwneud yn ofynnol i ni drwsio dogfennau PDF neu ddogfennau eraill a gyhoeddwyd cyn 23 Medi 2018 (https://www.legislation.gov.uk/uksi/2018/952/regulation/4/made) os nad ydynt yn hanfodol i ddarparu ein gwasanaethau. Nid oes gennym unrhyw gynlluniau ar hyn o bryd i wneud y dogfennau PDF hyn neu ddogfennau eraill yn hygyrch.

Dylai unrhyw ddogfennau PDF neu ddogfennau eraill newydd a gyhoeddom ers 23 Medi 2018 fodloni’r safonau hygyrchedd.

Mae rhai o’n dogfennau PDF a dogfennau eraill hŷn yn hanfodol ar gyfer darparu ein gwasanaethau. Er enghraifft, mae gennym:

• ddogfennau PDF sy’n rhoi gwybod sut y gall defnyddwyr gael mynediad i’n gwasanaethau
• ffurflenni a gyhoeddwyd fel dogfennau Word.

O fis Mawrth 2022, byddwn yn dechrau naill ai trwsio’r dogfennau PDF a’r dogfennau eraill hanfodol hyn, neu’n roi tudalennau HTML hygyrch yn eu lle.

Problemau â delweddau, fideo a sain

Amlinellir isod y delweddau, y cynnwys fideo a’r cynnwys sain nad ydynt yn hygyrch:

• mae tagiau alt ar goll ar rai delweddau
• mae angen i dagiau alt fod yn fwy disgrifiadol ar rai delweddau sy’n bodoli
• testun alt wedi’i ddyblygu ar ddelwedd.

Sut aethom ati i brofi’r wefan hon

Cynhaliwyd profion hygyrchedd ar y wefan drwy gydol mis Mai 2023. Cynhaliwyd y profion hyn gan S8080 a Busnes Cymru.

• Cynhaliom wiriad hygyrchedd llawn ar y wefan gan ddefnyddio SortSite ym mis Mai 2023
• Cynhaliom ymchwil ymhlith defnyddwyr a oedd yn defnyddio meddalwedd cynorthwyol megis rhaglenni darllen sgrin, Dragon Dictate Professional, a Read & Write.

Yn ystod gwiriad SortSite ym mis Mai, cynhaliwyd sganiau awtomataidd ar gyfer pob gwall WCAG 2.1 AA.

Profwyd gwefan Digwyddiadur Busnes Cymru, sydd ar gael yn https://wales.business-events.org.uk/cy/ a https://wales.business-events.org.uk/  

Yr hyn rydym yn ei wneud i wella hygyrchedd

Pan wneir newidiadau sylweddol, ac wrth iddynt gael eu gwneud, caiff y rhain eu sganio cyn eu rhyddhau i’r cyhoedd.

Byddwn yn mynd i’r afael â’r holl broblemau hygyrchedd technegol sy’n hysbys ac yn eu trwsio erbyn diwedd 2023, oni bai y byddai gwneud hynny’n faich anghymesur (http://www.legislation.gov.uk/uksi/2018/952/regulation/7/made) o fewn ystyr y rheoliadau hygyrchedd.

Ar hyn o bryd, rydym yn mynd i’r afael ag unrhyw broblemau â chynnwys ac yn eu trwsio, ac mae hon yn broses barhaus wrth i gynnwys newydd gael ei ychwanegu’n ddyddiol.

Byddwn yn creu canllawiau i helpu trefnwyr digwyddiadau i greu hysbysebion hygyrch ar gyfer digwyddiadau.

Rydym yn gweithio gyda’n cyflenwr i fonitro a mynd i’r afael yn barhaus ag unrhyw broblemau hygyrchedd a gyflwynir yn ystod y gwaith parhaus o ddatblygu a diweddaru’r wefan.

 

Paratowyd y datganiad hwn ar 11/07/2023